Yüklənir...
ACT (American College Testing) və SAT (Scholastic Assessment Testing), akademik səviyyədə təhsil almağı hədəfləyən orta məktəb məzunlarının qabiliyyətlərinin ölçülməsinə əsaslanan testlərdir. Xaricdə, xüsusən Amerika və Kanadada bir çox kollec və universitetə qəbul olmaq üçün ACT və SAT imtahanlarından kifayət qədər bal toplamalısınız. Amerika Birləşmiş Ştatları və Kanada xaricindəki bəzi universitetlər də ACT və SAT imtahanlarını qəbul edirlər.
Nə SAT, nə də ACT digərlərindən daha çətin imtahanlar deyillər. Məktəb və universitetlər həm SAT, həm də ACT testini qəbul edirlər. İmtahanların arasındakı fərqlərə görə tələbələr bir testdə digərindən daha müvəffəqiyyətli ola bilərlər.
SAT, şagirdlərin ingilis dili biliklərini ölçən və riyaziyyat suallarını da əhatə edən uzun və şərhə əsaslana bir test olması ilə tanınır. ACT isə riyaziyyat və ingilis əsaslı bilik testinə əsaslanan daha qısa sualları olan bir testdir. İmtahanların ən əhəmiyyətli fərqlərindən biri; ACT imtahanında verilən səhv cavablar tələbənin balına təsir etmir.
ACT nədir?
ACT 1959 -cu ildə The University of Iowa professoru Everett Franklin Lindquist SAT-a alternativ olaraq yaradıldı. ACT imtahanı əvvəlcə dörd əsas hissədən ibarət idi. Bunlar; İngilis dili , Riyaziyyat, Sosial Araşdırmalar və Təbiət Elmləri bölmələri idi. Sonrakı illərdə Sosial Araşdırmalar bölməsi Reading, tələbələrin düşünmə və problem həll etmə qabiliyyətlərini yoxlamaq üçün Təbiət Elmləri bölümü Elmi Fikir bölümü olaraq dəyişdirildi. 2005-ci ildə ACT-ə əlavə olaraq Writing-Essay testi əlavə edildi.
ACT-da hansı bölmələr var?
ACT tarixən 4 testdən ibarət olmuşdur:
English
Reading
Math
Science
Yuxarıda göstərilən 4 əsas hissədən başqa, ACT-da istəyə bağlı 40 dəqiqəlik Writing imtahanı var. Bəzi universitetlər tələbələrin Writing bölməsini də doldurmasını tələb edir. Çox seçimli ACT imtahanı cəmi 215 sualdan ibarətdir. Suallar 75 English, 40 Reading, 60 Math, 40 Science sualından ibarətdir.
ACT skoru necə hesablanır?
ACT imtahanında hər bölmə 1-36 arasında qiymətləndirilir. Alacağınız maksimum bal 36 olsa da, imtahanın orta müvəffəqiyyət balı 21-dir. Bölmələrdən aldığınız ümumi skorun ortalaması imtahandan aldığınız əsas skoru, nəticəni təşkil edir. Writing bölməsi istəyə bağlı olduğundan, Writing bölməsi üçün bal 2-12 bal arasında hesablanır və ümumi imtahan balınızdan ayrı saxlanılır.
İmtahan müddəti nə qədərdir?
Writing imtahanında iştirak etməyəcək tələbələr üçün imtahan müddəti 2 saat 55 dəqiqə, Writing imtahanında iştirak edən şagirdlərin üçün isə ümumi müddət 3 saat 35 dəqiqədir.
ACT üçün ödəniş nə qədərdir?
ACT imtahanının ödəniş haqqı Writing imtahanı verməyən tələbələr üçün 150 dollar, Writing imtahanında iştirak edəcək tələbələr üçün isə 166.50 dollardır.
ACT imtahanında kimlər iştirak edə bilər?
Orta təhsilini başa vurmuş, imtahana yazılmış və imtahan haqqını ödəyən bütün tələbələr ACT imtahanında iştirak edə bilərlər. Xüsusilə ABŞ və Kanadada təhsil almaq istəyən lisey şagirdlərinin 3-cü sinifdən ACT imtahanı üçün təhsil almaları tövsiyə olunur. İmtahanda yaş məhdudiyyəti yoxdur. ABŞ-da bütün 4 illik kollec və universitetlər ACT-nı qəbul edir. Tarixən, SAT sahilboyu zonalardakı kolleclərdə, ACT isə Orta Qərb və Cənubda daha çox məşhurluq qazanmışdı. Hal-hazırda bəzi kolleclər insanların işə təyin olunması ilə bağlı olaraq ACT tələb edir.
ACT yoxsa SAT? Hansına üstünlük verməlisiniz?
Bir çox kollec və universitet, bakalavr proqramlarına qəbul olmaq üçün SAT və ya ACT imtahanlarını qəbul edir. Bu səbəbdən bu universitetlərə daxil olmaq istəyən tələbələrin bu imtahanları vermələri tələb olunur. Ancaq hansı imtahana girmək lazım olduğunu bilmək vacibdir. Əvvəlcə müraciət etdiyiniz universitetin SAT və ya ACT tələb etdiyini yoxlamalı və sonra hansı imtahanı verməli olduğunuza qərar verməlisiniz. İki imtahandan birinin digərindən daha asan olduğunu söyləmək doğru deyil. ACT, güclü ingilis dili və şifahi bacarıqları olan tələbələr üçün daha uyğun bir testdir. Güclü riyazi bacarıqları olan tələbələr isə SAT testi verə bilər. Nəticədə hansı imtahanı seçməyiniz tamamilə maraqlarınızdan, yaxşı bildiyiniz fənlərdən və özünüzü inkişaf etdirdiyiniz sahələrdən asılıdır.
