Yüklənir...
ABŞ beynəlxalq tələbələr üçün həmişə bir fürsətlər ölkəsi olub. Dünyada ABŞ yalnız iqtisadi gücü ilə deyil, akademik gücü ilə də tanınıb. Təhsil sistemi hər zaman dünyanın ən yaxşılarından biri olub. Tələbələr tərəfindən qlobal olaraq xaricdə təhsil üçün ABŞ-ın seçilməsinin bundan başqa da səbəbləri var.
Bir tələbə əgər Amerika Birləşmiş Ştatlarında təhsil almağa qərar veribsə, gələcəyi üçün inanılmaz bir yol xəritəsi hazırlayıb. Bu tələbə ABŞ-da bir milyondan çox beynəlxalq tələbə ilə tanış olaraq əlaqələrini genişlədəcək, bununla yanaşı ölkənin bir çox xarici dövlətlərlə olan sazişləri sayəsində bu ölkələrdə iş həyatında fəaliyyət göstərə biləcək. Amerikada oxumaq üçün karyera dəstəyi və mədəni müxtəliflik daxil olmaqla bir çox səbəb var.
Amerikada universitet oxumaq düşündüyümüzdən də asan ola bilər. Beynəlxalq bir tələbə kimi sizin yolunuz oxumaq istədiyiniz universiteti və davam etmək istədiyiniz akademik proqramı seçməklə başlayacaq. ABŞ universitetlərindən subbakalavr dərəcəsinin tamamlanması adətən iki il çəkir. Bakalavr dərəcəsi isə adətən ABŞ-da üç və ya dörd illik təhsilə başa gəlir. Bakalavr dərəcəsini aldıqdan sonra təhsilinizi davam etdirmək istəyirsinizsə, bakalavrdan sonrakı təhsili ala bilərsiniz.
Bakalavrdan sonrakı və ya magistr proqramları üçün seçimlər magistr (iki illik təhsil) və doktoranturanı (üç və ya daha çox il) əhatə edir. Bakalavrdan sonrakı təhsildə magistr və doktorantura proqramları müəyyən bir akademik mövzuya köklənir, ancaq subbakalavr və bakalavr dərəcələri adətən daha ümumi olur.
Subbakalavr, bakalavr və daha sonrakı pillələr (məsələn: magistr və doktorantura) üzrə axtarış edə biləcəyiniz ABŞ Təhsil Nazirliyi Kollec Brauzeri saytından onlayn şəkildə ABŞ-da necə təhsil ala biləciyinizlə bağlı araşdırmanıza başlaya bilərsiniz. Əlavə olaraq, öz ölkənizdəki xarici dil kursları da bu sahədə məsləhət xidmətləri təklif edir. Bu kurslar vasitəsilə müqavilə bağladıqları universitetlərlə asanlıqla əlaqələr yarada bilərsiniz. Bəzi kurslar yaşayış yeri də daxil olmaqla tələbəni yormadan bir çox imkanı təqdim edir.
Beynəlxalq tələbələr ən yaxşı universitetləri tapmağına kömək etməsi üçün mütləq universitet sıralamalarına baxmalıdır. Bir çox ölkənin öz ölkələrindəki ən yaxşı universitetləri qiymətləndirən rəsmi dövlət saytları da var. Buna baxmayaraq, ABŞ-da hamıya açıq olan standartlaşdırılmış universitet sıralaması mövcud deyil. Bunun əvəzinə ABŞ-dakı universitetləri ölçən və dərəcələndirən bir neçə özəl şirkət var. Ən tanınmış sıralama sistemlərindən biri olan “US News & Worls Report” “Ən Yaxşı Universitetlər” və “Beynəlxalq Tələbələr üçün Ən Yaxşı Universitetlər” kimi bir neçə kateqoriyada sıralayır. Özünüz üçün ən yaxşı seçimi edərkən sıralamalara diqqət yetirməklə öz siyahınızı yaratmağınız sizə fayda verə bilər.
Amerika universitetləri arasında digər populyar universitet sıralama siyahılarına “Forbes”, “The Princeton Review” və “Times Higher Education” daxildir. ABŞ-dakı xarici tələbələr hansı universitetlərin keyfiyyətli təhsil verdiyini görmək üçün bu siyahılardan istifadə edə bilər. Ancaq unutmayın: Bir universiteti seçmək üçün istifadə etdiyiniz yeganə kriteriya sıralamalar olmamalıdır.
Amerikada universitet oxumaq üçün ekspertlərlə məsləhətləşmək, ABŞ-da necə təhsil alacağınızla bağlı daha çox məlumat toplamağınıza və akademik maraq dairələrinizə, şəxsi tərcihlərinizə və peşəkar planlarınıza uyğun universitetlərini tapmağınıza kömək edə bilər. Amerika universitetlərinin səlahiyyətli şəxsləri ilə təkbətək görüşmək istəsəniz, universitet ekspertləri ilə evdən onlayn şəkildə iştirak edə biləcəyiniz virtual veb-seminarlar ola bilər. Bunları müraciət edəcəyiniz il ərzində izləməklə suallarınızı onlara asanlıqla ünvanlaya bilərsiniz.
Əlavə olaraq, ABŞ-dakı bir çox beynəlxalq tələbə üçün əsas ixtisasınız (və ya akademik fəaliyyətinizin əsas mövzusu) Amerika Birləşmiş Ştatlarında müraciət edəcəyiniz universiteti seçərkən ən əhəmiyyətli faktorlardan biri ola bilər. Birdən çox akademik maraq dairəniz varsa, müəyyən bir universitetdə cüt ixtisasa yiyələnə bilərsiniz. İkinci bir seçim isə əlavə ixtisas (əsas ixtisas üçün götürülən dərslərin təxminən yarısı lazım olan ikinci dərəcəli bir akademik proqram) əlavə etməyə qərar verə bilərsiniz.
ABŞ-da nə oxumaq istədiyinizi bilmirsinizsə, narahat olmayın: Amerika Birləşmiş Ştatlarında çox tələbə universitetdə keçirdiyi vaxt ərzində hansı ixtisasın necə olduğu ilə bağlı fikirlərini dəyişir və bakalavr tələbələrinin 40%-i ixtisasını dəyişmədən qalır. Akademiklər vacibdir, ancaq bakalavr dərəcəniz üçün ABŞ-da harada təhsil alacağınızı nəzərə alsanız, Amerika Birləşmiş Ştatlarında necə bir universitet təcrübəsi istədiyiniz barədə fikirləşin.
