Yerləşdiyi ərazi: Kenterberi, Birləşmiş Krallıq
İllik təhsil haqqı: £10,000 - 12,500
Universitet haqqında qısa məlumat:
Anqlikan kilsəsi tərəfindən 1962-ci ildə müəllimlərin təlimi üçün kollec olaraq təsis edilmiş, 2005-ci ildə isə universitet statusu qazanmışdır. Birləşmiş Krallığın UNESCO-nun Dünya Mədəniyyət Mirasları siyahısına daxil olan Kenterberri şəhərində yerləşir və 7 kampusdan ibarətdir. Sosial elmlərdən bəşəri elmlərə, tibb bacılığından müəllimliyə qədər 100-lərlə ixtisas üzrə təhsil imkanı yaradan universitetdə 100 fərqli ölkədən 17 minə yaxın tələbə təhsil alır.
Son illərin məzunlarının 93%-i bakalavr təhsilini bitirdikdən sonra maksimum 6 ay ərzində işlə təmin olunub və ya magistratura pilləsində öz təhsillərini davam etdirib.
2018-ci ildə keçirilmiş sorğuda tələbələrin 83%-i universitetdə keçirilən dərslərin keyfiyyətindən məmnun olduqlarını bildiriblər.
İdman sahələrində istedadı olan tələbələrə xüsusi qayğı göstərən universitetdə tələbələr üçün müxtəlif təqaüdlər və badminton, basketbol, reqbi və s. kimi onlarla idman sahəsi üzrə klublar mövcuddur.
Reytinqlər:
-Universitet, təhsilin mükəmməlliyini ölçən dövlət qurumu olan təhsil nazirliyi tərəfindən gümüş reytinqə layiq görülərək Birləşmiş Krallıq universitetləri üçün nəzərdə tutulmuş milli keyfiyyət tələblərini üstələmişdir.
-Ölkənin ən yaxşı universitetləri siyahısında 125-ci yerdədir (The Complete University Guide 2020).
-İxtisaslaşmış müəllim kadrının həcminə görə Birləşmiş Krallıq üzrə Top 20-dədir. (HESA 2017/18)
Qəbul üçün tələblər:
1. Bakalavr:
GPA 2.5, IELTS 6.0, TOEFL 79-80
2. Magistratura:
GPA 2.5, IELTS 6.5, TOEFL 89-90
Bizimlə məsləhətləşin. AzeriStudent mütəxəssisləri doğru təhsil müəssisəsini və proqramını seçməyə, sənədlər və viza ilə bağlı sənədləşməyə, qəbul və hazırlığa və uğurla qeydiyyatdan keçməyə kömək edəcəkdir.
