Yerləşdiyi ərazi: Lester, Birləşmiş Krallıq
İllik təhsil haqqı: £9,250
Universitet haqqında qısa məlumat:
1992-ci ildə yaradılan universitetdə 27 minə yaxın tələbə təhsil alır. Universitet özündə 4 əsas fakültəni birləşdirir: İncəsənət, Media və Humanitar elmlər; Biznes və Hüquq; Sağlamlıq və Həyat elmləri; Hesablama, Mühəndislik və Media. Davamlı inkişafa meyl edən universitet 2018-ci ildən bəri Birləşmiş Millətlərin də təşəbbüsü ilə sülh, ədalət kimi mövzuların aşılandığı kurslara xüsusi önəm verməyə başlamışdır.
Son illərin məzunlarının 97.3%-i bakalavr təhsilini bitirdikdən sonra maksimum 6 ay ərzində işlə təmin olunub və ya magistratura pilləsində öz təhsillərini davam etdirib. Universitetin tələbələri Jaguar Land Rover, BBC, Disney, HSBC, Nike, BMW, NASA, NHS kimi nüfuzlu şirkət və orqanlarda çalışma imkanı qazanıblar. Burada təhsil alan tələbələr həmçinin 2019-cu ildə yaşayış keyfiyyətinin ən yüksək olduğu 10 şəhərdən biri seçilən Lester şəhərində yaşamağın üstünlüyünə şahid olurlar.
De Montfort universitetinin öz tələbələri üçün yaratdığı unikal imkanlardan biri də beynəlxalq səyahət proqramıdır. Proqram çərçivəsində hər il minlərlə tələbə 60-dan çox ölkəyə səyahət edir. Maraqlı faktlardan biri də odur ki, səyahət məntəqələri tələbələrin karyera planına kömək edəcək şəkildə planlaşdırılır.
Reytinqlər:
-Universitet, təhsilin mükəmməlliyini ölçən dövlət qurumu olan təhsil nazirliyi tərəfindən qızıl reytinqə layiq görülərək Birləşmiş Krallıq universitetləri üçün nəzərdə tutulmuş milli keyfiyyət tələblərini üstələmişdir.
-Ölkənin ən yaxşı universitetləri siyahısında 81-ci yerdədir (The Complete University Guide 2020).
-Universitetin adı “150 ən yaxşı gənc universitet” siyahısında yer alır.( Times Higher Education magazine)
Qəbul üçün tələblər:
1. Bakalavr:
GPA 3.0, IELTS 5.5
2. Magistratura:
GPA 3.0, IELTS 6.0
Bizimlə məsləhətləşin. AzeriStudent mütəxəssisləri doğru təhsil müəssisəsini və proqramını seçməyə, sənədlər və viza ilə bağlı sənədləşməyə, qəbul və hazırlığa və uğurla qeydiyyatdan keçməyə kömək edəcəkdir.
