Yüklənir...
Biznes məktəbləri, yalnız akademik biliklər və ixtisaslaşmış bacarıqlarla deyil, həm də gələcəkdəki uğurlu karyera üçün vacib şəbəkə qurma və liderlik bacarıqlarını inkişaf etdirməyə imkan verir. Bu məktəblər, dünyanın ən önəmli iqtisadi mərkəzlərində yerləşərək tələbələrə qlobal biznes mühiti haqqında dərindən anlayış qazandırır. Onların tədris proqramları müasir metodlarla zənginləşdirilib və beynəlxalq səviyyədə tanınan məzun şəbəkələrinə malikdir.
Biznes məktəblərinin tədris proqramları tələbələrin karyerasını sürətlə inkişaf etdirmək üçün xüsusi olaraq hazırlanmışdır. MBA və Executive MBA proqramları idarəetmə, maliyyə, marketinq, sahibkarlıq və innovasiya kimi sahələrdə həm nəzəri, həm də praktiki biliklər təqdim edir. Tələbələr qlobal problemlərə həll yolları axtararkən eyni zamanda beynəlxalq biznes mühitinə adaptasiya olmağı öyrənirlər.
Bu yazıda, dünyada məşhur olan və yüksək qiymətləndirilən biznes məktəblərinin xüsusiyyətlərini nəzərdən keçirəcəyik.
Dünyanın qabaqcıl biznes məktəbləri, tələbələrə nəzəri bilikləri praktik təcrübə ilə birləşdirərək qlobal biznes dünyasında uğur qazanmaq üçün lazım olan bacarıqları öyrədir. Bu məktəblərin tədris proqramları fərqli səviyyələrdə təhsil alan tələbələrin ehtiyaclarına uyğun olaraq hazırlanmışdır.
MBA (Master of Business Administration). Dünyanın aparıcı biznes məktəblərində təklif olunan MBA proqramı tələbələrə idarəetmə, maliyyə, marketinq və strategiya kimi sahələrdə nəzəri və praktiki biliklər qazandırır. Liderlik bacarıqlarını inkişaf etdirmək üçün real layihələr və praktik məşğələlər proqramın əsas hissəsidir.
Executive MBA (EMBA). İşləyən namizədlər üçün nəzərdə tutulan bu proqram, qlobal biznes liderləri üçün strateji idarəetmə və dəyişən iş mühitinə uyğunlaşma bacarıqları öyrədir. Dərslər saatları iş saatına uyğun olduğundan çalışan insanlar rahatlıqla bu proqrama qoşula bilərlər.
Maliyyə üzrə magistr proqramları (Master in Finance). Bu proqramlar maliyyə analizləri, sərmayə idarəçiliyi və risk qiymətləndirilməsi üzrə dərin biliklər təqdim edir. Bankçılıq, investisiya və konsultasiya sahələrində karyera qurmaq istəyənlər üçün idealdır.
Sahibkarlıq və innovasiya proqramları. Sahibkarlıq üzrə ixtisaslaşmış bu proqramlar, tələbələrə biznes ideyalarını reallığa çevirmək və texnologiyadan səmərəli istifadə etməklə yeni layihələr qurmaq bacarığı öyrədir. Stanford və MIT Sloan bu sahədə liderlərdəndir.
Qlobal liderlik proqramları. Tələbələrə qlobal biznes mühitində liderlik etməyi öyrədən bu proqramlar, mədəniyyətlərarası ünsiyyət, strateji planlama və qlobal iqtisadi trendlərə diqqət yetirir.
Dünyanın ən yaxşı 10 biznes məktəbi arasında müxtəlif ölkələrdə yerləşən təhsil müəssisələri yer alır.
Bu məktəblərdən ən yüksək sıralarda olan bir neçəsi aşağdakılardır:
Dünyanın ən yaxşı biznes məktəblərinə qəbul olmaq üçün tələb olunan əsas şərtlər məktəbin reytinqi və proqramına görə fərqlənir, amma ümumi tələblər arasında aşağıdakılar yer alır:
Bakalavr dərəcəsi və iş təcrübəsi: Tələbələrdən minimum bakalavr təhsili və ən azı 2-3 il iş təcrübəsi tələb olunur.
GMAT/GRE nəticələri: Çox məktəb GMAT və ya GRE imtahanlarının yüksək nəticələrini tələb edir.
Dil bilikləri: İngilis dili biliyini təsdiqləyən sənəd(TOEFL və ya IELTS)
Tövsiyə məktubları: Adətən 2-3 iş yerindən və ya akademik rəhbərdən tövsiyə məktubları tələb olunur
Müsahibə: Bir çox məktəb, müraciət edən şəxsləri müvafiq bir müsahibəyə də dəvət edir. Bu, məktəbin və müraciətçinin uyğunluğunu qiymətləndirmək məqsədini daşıyır.
Bunlar ümumi tələblərdir və hər bir məktəbin özünəməxsus fərqli tələbləri olur.
Dünyanın müxtəlif yerlərindən olan biznes məktəblərində təhsil almaq üçün bizimlə əlaqə saxlayın! Azeri Student olaraq ən yaxşı biznes məktəblərində təhsil almağınıza dəstək olacağıq.
