Yüklənir...
Mədəni cəhətdən zəngin olduğu üçün İngiltərə dedikdə ağla qotik memarlıq üslublu kilsələrdən tarixi qalalara, möhtəşəm muzeylərdə dünyaca tanınmış saraylara qədər şey gəlir, İngiltərədə tarixi yerlər cəhətdən vacib bir çox yer görə bilərsiniz.
Böyük tarixini görə İngiltərədə qədim zamanlardan orta əsrlərə qədər bir çox əsər mövcuddur. Dövrün dəyişdiyini təkcə İngiltərədəki tarixi məkanları ziyarət etməklə görə bilərsiniz.
Stonhenc dünyada ən tanınmış yerlərdən biridir. İnsanı heyrətləndirən bir qədim abidə olan Stonhencin günəşin izlənilməsi üçün nəzərdə tutulması güman olunur. Bu tarixi yeri ziyarət etdikdə onun sirlərini öyrənəcəksiniz və onu inşa edən Neolitik dövr insanlarının həyat tərzinə bələd olacaqsınız. Minlərlə il əvvəl insanların ibtidait alətlərlə belə bir heyrətamiz tikilini necə yarada bildiklərini düşündürən Stonhenc bu günə qədər ziyarətçiləri valeh və onları ilhamlandırmağa davam edir.
London qülləsi tarixin tozlu səhifələrində aşılmaz bir qala, məşhur bir həbsxana və möhtəşəm bir saray kimi xidmət göstərmişdir. London qülləsi 1086-cı ildə I Uilliam tərəfindən inşa etdirilmiş heyrətamiz bir tikilidir. İngiltərənin ən populyar yerlərindən biri olan London qülləsinin insanda maraq yaradan böyük tarixi olması hamıya aydındır. Bura həm də VIII Henrinin iki həyat yoldaşını edam edildiyi qüllədir. Qüllədə həmçinin II Elizabetə aid cəvahiratın saxlandığı da deyilir.
Bu görkəmli qala Şotlandiyadakı ən populyar turistik yerlərdən biridir. Milyon illər əvvəl yaranmış aktiv bir yanardağın bir çıxıntısının zirvəsində yerləşir. Zirvədə olduğu üçün Edinburq qalasından əvəzolunmaz şəhər mənzərəsi açılır. Bu mənzərəyə Kral Mili, Prinses-Strit və Prinses-Strit Bağlarının böyük yaşıl sahəsi də daxildir. Əlavə olaraq, Kraliçanın Şotlandiyadakı rəsmi iqamətgahı olan Holirudhaus sarayına da qısa gəzinti məsafəsində yerləşir. Beləliklə qalanı ziyarət edərkən Şotlandiyadakı bir çox məkanı görmək fürsətini əldə edəcəksiniz.
Bukinqem sarayı Londonda olan dövrümüzə gəlib çıxmış ən mühüm kraliyyət simvollarından biridir. Monarxiyanın ən böyük simvolu olan bu saray mühafizəçilərin dəyişilməsi kimi fəaliyyətlərlə ziyarətçiləri özünə heyran edir. Bukinqem sarayının nə qədər böyük olduğunu bilmirsinizsə, bir sarayda yeddi yüz yetmiş beş otağı təsəvvür etməyiniz bunu başa düşməyə kömək edər. Bütün gözəlliyinə yaxından şahid olmaq üçün İngiltərəni ziyarət etdikdə mütləq Bukinqem sarayına baş çəkməlisiniz.
Çox insanın Big Ben kimi tanıdığı Elizabet qülləsi Viktoriya dövründə inşa edilməsindən bəri İngiltərənin simvoluna çevrilmişdir. Əslinə qalsa, “Big Ben” saat qülləsinin içindəki 13 tondan ağır (13 760 kq) nəhəng bir zəngin adıdır. Saat qülləsinin dört üzü də işıqlandırıldıqda gecələr möhtəşəm görünür.
Dünyaca məşhur günbəzi ilə tanınan Müqəddəs Pavel kafedralı London siluetinin məşhur bir məkanıdır. Orkest performanslarından düşündürücü panel mübahisələrinə qədər, ziyarətçilərə ibadət etmək, gəzmək və dinamik fəaliyyət proqramlarında iştirak etmək imkanı yaradan bir məkandır.
Tarixi e.ə. 75-ci ilə gedib çıxan hamamlar, Şimali Avropada ən yaxşı qorunub saxlanmış hamamlardır. 1987-ci ildə UNESCO mədəni irs siyahısına salınmışdır. Ziyarət edərkən verilən qəlyanaltılar və çay saatları ilə muzeydən zövq ala bilərsiniz.
Kenterberri kafedralı həm UNESCO Dünya İrsi siyahısına daxil edilmiş bir məkan kimi, həm də Cefri Çoserin XIV əsrdə yazdığı məşhur “Kenterberri nağılları” əsərinə görə tanınır. Görkəmli kafedralı ziyarət edəndə şəhərdə gəzərək qala divarlarının qalıqlarını, Norman dövründən qalmış bir qalanı və Müqəddəs Avqustin Monastrı kimi bir çox maraqlı tarixi məkanı da ziyarət etmək fürsətini əldə edə bilərsiniz.
Tauer körpüsü ilk dəfə 1894-cü ildə inşa edilib və o vaxtdan bəri Viktoriya dövrü Qotik üslubuna görə Londonin bir simvoluna çevrilmişdir. İnşaatı tamamlandıqdan sonra Uels Princi (gələcək Kral Edvard VII) və həyat yoldaşı Uels Prinsesi (Danimarkalı Aleksandra) körpüyü 1894-cü ildə rəsmi mərasimlə açıq elan edib. Elə bu vaxtdan etibarən bu, dünyanın ən tanınmış yerlərindən (həmçinin dünyanın ən çox fotosu çəkilən körpülərində) birinə çevrilib və hazırda da populyarlığı davam edir.
Möhtəşəm Vindzor qalası uzun müddət ərzində İngiltərə kraliyyət ailəsinin yazlıq iqamətgahı olub. I Uilyamın 1078-ci ildə burada ilk qalanı inşa etdirməsindən etibarən sonrakı kraliyət ailələri burada uzun illər yaşamışlar və bu əmlakda özünəməxsus iz qoyub getmişlər. Vindzor qalası Avropanın ən uzun müddət yaşanılan kraliyyət iqamətgahıdır. Çox hissəsi ictimaiyyətə açıqdır və İngiltərənin ən mühüm turistik məkanlarından biridir.
