Yüklənir...
Ümumi məlumat
NABA (Nuova Accademia di Belle Arti) İtaliyada yaradılmış və beynəlxalq səviyyədə nüfuz qazanan ən önəmli incəsənət və dizayn akademiyalarından biridir. 1980-ci ildə Milanda təsis edilən akademiya, tələbələrə kreativ bacarıqlarını inkişaf etdirmək və gələcəyin peşəkar incəsənətkarlarına çevrilmək üçün geniş imkanlar təqdim edir. Milanda başlayan NABA uğur hekayəsi, tələbələrin və mütəxəssislərin böyük marağı sayəsində Romada da ikinci filialının açılması ilə genişlənmişdir.
NABA incəsənət, moda dizaynı, qrafik dizayn, vizual sənətlər və kommunikasiya kimi sahələrdə keyfiyyətli təhsilə sahibdir. Akademiyanın ən yaxşı təhsilə sahib olmasının pərfə arxasında dayanan əsas faktor isə, praktikaya əsaslanan yanaşması və tələbələrə real dünya layihələrində iştirak etmə imkanı verməsidir. Bu yanaşma, tələbələri təkcə nəzəri biliklərlə təmin etmir, eyni zamanda onların praktik bacarıqlarını da inkişaf etdirir.
NABA-nın proqramları həm italyanca, həm də ingiliscə tədris olunur, bu da akademiyanı beynəlxalq tələbələr üçün cəlbedici bir seçimə çevirir.
2024-cü ildə dünya reytinqlərində “Art & Design” üzrə 100 ən yaxşı təhsil mərkəzi arasında yerini alan akademiya haqqında gəlin ətraflı məlumat alaq.
Bakalavr pilləsi üzrə:
Magistratura pilləsi üzrə:
Akademiyada olan bütün ixtisaslar haqqında ətraflı məlumat almaq üçün NABA-ın rəsmi veb-saytına keçid edə bilərsiniz.
NABA-da də beynəlxalq tələbələr üçün təhsil haqları € 20.600-dır.
Təhsil haqqı təhsil müddəti, proqram və akademiyanın filialından asılı olaraq dəyişə bilər.
Təhsil haqqında sənəd: Bakalavr üçün orta məktəbi bitirdiyinizi təsdiq edən sənəd (attestat və ya ekvivalent diplom). Magistratura üçün bakalavr diplomu.
Motivasiya məktubu: NABA-da təhsil almaq istəklərinizin səbəblərini izah edən yazı.
Portfolio: Əvvəlki işlərinizin və layihələrinizin nümunələrini özündə cəmləyən sənəd (dizayn, sənət, və s. sahələr üzrə).
CV (tərcümeyi-hal): Təhsil və iş təcrübənizi göstərən sənəd.
Pasport nüsxəsi: Şəxsiyyəti təsdiq edən sənədin notarial qaydada təsdiqlənçiş surəti.
Rederans məktubları: Müəllimlərdən və ya işəgötürənlərdən alınan tövsiyə məktubları.
Xarici dil biliyi sertifikatı:
Bu tələblər ümumidir. Proqramdan asılı olaraq əlavə sənədlər də tələb oluna bilər.
NABA (Nuova Accademia di Belle Arti) tələbələrə təhsil xərclərini azaltmaq üçün müxtəlif təqaüd proqramları təklif edir. Bu təqaüdlər, akademik müvəffəqiyyət və ya yaradıcı potensiala əsaslanaraq tələbələrə verilir və həm yerli, həm də beynəlxalq tələbələr üçün əlçatandır.
Merit-Based Scholarships: Akademik nailiyyətlərə və portfolionun keyfiyyətinə əsaslanaraq tələbələrə təqdim edilən təqaüddür. Yüksək akademik nəticələr və kreativ bacarıqları olan tələbələrə verilir.
Need-Based Scholarships: Maddi ehtiyacı olan tələbələr üçün nəzərdə tutulan təqaüddür. Təqaüd proqramı çərçivəsində tələbənin maliyyə vəziyyəti nəzərə alınaraq, təhsil haqqının müəyyən bir hissəsi təqaüdlə qarşılanır.
Industry-Sponsored Scholarships. NABA sektorda bir çox partyorları ilə əməkdaşlıq edir və bu tərəfdaşlar vasitəsilə tələbələrinə müxtəlif təqaüd imkanları təklif edir.
Bunun sayəsində tələbələr həm təhsil, həm də gələcək karyeraları üçün NABA-dan böyük dəstək alırlar.
International Scholarships. Beynəlxalq tələbələr üçün xüsusi olaraq ayrılan təqaüdlərdir.
Akademiyadakı təqaüdlərə müraciət edərkən akademik nəticələrini və portfoliolarını diqqətlə hazırlamaqla təqaüd imkanını rahatlıqla əldə etmək mümkündür.
Akademiyada olan bütün təqaüd proqramları və onlara müraciətlə bağlı ətraflı məlumat almaq üçün rəsmi veb-saytına keçid edin.
NABA (Nuova Accademia di Belle Arti) tələbələrə yalnız yüksək keyfiyyətli təhsil deyil, həm də zəngin və maraqlı tələbə həyatı yaşamaq imkanı verir. Akademiyada tələbələrin dərsdənkənar fəaliyyətlərlə məşğul olmaqlarını, yeni dostluqlar qurmalarını və peşəkar həyata atılmaları üçün hər bir şərait yaradılıb.
Mədəni və sosial fəaliyyətlər
NABA, Milanın mədəni zənginliyi və tarixi mirası ilə tələbələrə geniş miqyaslı mədəni tədbirlərdə iştirak etmək imkanı yaradır. Akademiya tərəfindən təşkil edilən sərgilər, seminarlər və master-klasslar tələbələrə öz yaradıcılıqlarını nümayiş etdirmək və sənayenin peşəkarları ilə ünsiyyət qurmaq üçün böyük imkanlar verir.
Kampus həyatı
NABA-nın Milandakı və Romadakı kampusları müasir tədris avadanlıqları ilə təchiz olunmuşdur. Burada tələbələr öz işləri üzərində sərbəst şəkildə çalışa və kompusdakı müxtəlif layihələrdə təcrübə toplaya bilərlər.
Kampuslar həmçinin geniş istirahət zonalarına və sosiallaşma sahələrinə malikdir ki, bu da tələbələr üçün üstünlükdür.
Beynəlxalq tələbə birlikləri
NABA, beynəlxalq tələbələr üçün açıq təhsil mühitinə malikdir. Dünyanın müxtəlif ölkələrindən gələn tələbələr burada öz mədəniyyətlərini paylaşır və qlobal təhsil mühitinin parçası olurlar. Bu, tələbələrin fərqli mədəniyyətlərlə tanış olmalarına və fərqli perspektivlərdən öyrənmələrinə imkan yaradır.
Peşəkar inkişaf və təşkilatlar
NABA sektorun ən yaxşı şirkətlərilə sıx tərəfdaşlıq etməsin tələbələrin həmin şirkətlərdə staj və iş təcrübəsi imkanı yaradır. Həmçinin, NABA tərəfindən təşkil edilən tədbirlər və sərgilər tələbələrin iş dünyasında özlərini tanıtması üçün yaxşı fürsətdir.
TOP-100 akademiyalardan olan NABA haqqında ətraflı məlumat və təhsil almaq üçün bizimlə əlaqə saxlayın!
