Yüklənir...
Ümumi məlumat
Ətraflı məlumat
University College Dublin (UCD), İrlandiyanın paytaxtı Dublində yerləşir. Universitet zəngin tarixi, yüksək təhsil keyfiyyəti ilə dünyada nüfuzlu universitet kimi tanınır. 1854-cü ildə əsası qoyulan UCD, İrlandiyanın ən böyük və tarixi təhsil müəssisələrindən biri kimi həm akademik nailiyyətləri, həm də mədəniyyətə verdiyi töhfələrlə fərqlənir. Universitet, tələbələrə geniş akademik proqramlar, tədqiqat imkanları və müasir kampus şəraiti ilə beynəlxalq tələbələri cəld edir.
UCD-nin təhsil keyfiyyəti, bir çox sahədə akademik mükəmməlliyi ön plana çıxarır və innovativ tədris üsulları ilə tələbələrini gələcəyə hazırlayır. Universitetin geniş akademik sahəsi mühəndislikdən sosial elmlərə, tibb sahəsindən incəsənətə qədər çoxsaylı istiqamətləri əhatə edir. Xüsusilə tədqiqat sahəsindəki irəliləyişlər sayəsində UCD, İrlandiyanın elm və texnologiya mərkəzlərindən biri kimi qəbul edilir.
Dublinin mərkəzində yerləşən University College Dublin, tələbələrə canlı şəhər həyatı ilə yanaşı, sakit və yaşıl bir kampus mühiti təklif edir. Həm tarixi tikililəri, həm də müasir qurğuları ilə təchiz edilmiş kampus, tələbələrin özlərini inkişaf etdirmələri və sosial çevrə qurmaları üçün əlverişli şərait yaradır. Avropanın ən dinamik şəhərlərindən biri olan Dublində yerləşən UCD, tələbələrə həm akademik, həm də mədəni baxımdan zəngin bir təhsil təcrübəsi yaşamağa imkan verir.
Bakalavr tədris pilləsi üçün:
Magistratura tədris pilləsi üçün:
Dokturantura tədris pilləsi üçün:
Bu proqramlar universitetdə olan ən məşhur proqramlardan bəziləridir. University College Dublin olan bütün proqram və ixtisasla bağlı məlumatı universitetin rəsmi veb-saytından ala bilərsiniz.
University College Dublin-də beynəlxalq tələbələr üçün illik təhsil haqqı €22,600-dən başlayır.
Təhsil haqqı hər il tədris pilləsi və proqramdan asılı olaraq dəyişir.
İngilis dili biliyi tələbləri:
Bu tələblər ümumidir və proqramdan aslı olaraq əlavə sənədlər də tələb oluna bilər. Maraqlandığınız proqram üzrə tələb olunan sənədlərlə tanış olmaq üçün University College Dublin-nin rəsmi veb-saytını ziyarət edə bilərsiniz.
niversity College Dublin (UCD) beynəlxalq tələbələrə müxtəlif təqaüd imkanları təqdim edərək təhsillərinə maliyyə dəstəyi göstərir. Bu təqaüd proqramları yüksək akademik göstəriciləri və sosial layihələrdə aktiv iştirak edən tələbələrə verilir
UCD Global Excellence Scholarship: Yüksək akademik göstəriciləri olan tələbələrin tam və ya qismən (50%) təhsil haqqını qarşılayır.
Təqaüd üçün müraciət etmək üçün tələbələrin öncə UCD-dən qəbul alması (şərti qəbul da daxil olmaqla) lazımdır
Michael Smurfit Graduate Business School Scholarships: UCD-nin Michael Smurfit Graduate Business School-da biznes üzrə magistratura proqramlarına aid olan bu təqaüdlər MBA və digər biznes proqramlarında təhsil alan tələbələr üçün nəzərdə tutulmuşdur.
Government of Ireland International Education Scholarships: İrlandiya Hökuməti tərəfindən maliyyələşdirilən bu təqaüd, akademik göstəriciləri yüksək olan beynəlxalq tələbələr üçün həm təhsil haqqını, həm də yaşam xərclərini qarşılayır
UCD International Foundation Year Scholarship: UCD-nin Foundation Year (Beynəlxalq Hazırlıq İli) proqramında iştirak edən tələbələrə yönəlib və onların bakalavr təhsilinə keçməsinə maliyyə dəstəyi təmin edir.
Universitetin təklif etdiyi təqaüd proqramlarının hər biri haqqında ətraflı məlumat almaq üçün veb-saytından “Scholarship” səhifəsinə keçid edə bilərsiniz.
University College Dublin (UCD) tələbələrinə geniş imkanlarla dolu kampus həyatı təqdim edir. İrlandiyanın ən böyük universiteti olan UCD, 34,000 tələbəni əhatə edən kosmopolit mühitə sahibdir və Dublinin Belfield şəhərciyində yerləşir. Kampus, tələbələrin təhsil, sosial və şəxsi ehtiyaclarını qarşılamaq üçün müasir şərait və xidmətlər təqdim edir.
Tələbə birlikləri və təşkilatları
UCD tələbələrinin sosial həyata inteqrasiyası üçün kampusda 100-dən çox tələbə təşkilatı və idman birliyi fəaliyyət göstərir. Tələbə təşkilatları tələbələrə müxtəlif maraq sahələrində fəaliyyət göstərmək imkanı verir. Burada tələbələr, hüquqdan tutmuş, musiqiyə, komediyadan beynəlxalq tələbə təşkilatlarına qədər fərqli qruplarda iştirak edərək həm akademik, həm də sosial bacarıqlarını inkişaf etdirə bilərlər.
İdman
UCD-nin idman və sağlamlıq mərkəzləri tələbələrin fiziki sağlamlığını dəstəkləmək üçün geniş şərait yaradır. UCD Sport and Fitness mərkəzində böyük üzgüçülük hovuzu, idman zalları, rəqs və yoqa studiyaları mövcuddur. İdmanla daha aktiv məşğul olmaq istəyən tələbələr üçün təlim keçə biləcəkləri və əylənə biləcəkləri futbol meydançaları, tennis kortları, dırmanma divarı və s. mövcuddur. Kampusda yerləşən təbii və süni örtüklü futbol sahələri, hətta beynəlxalq oyunlar üçün uyğunlaşdırılmışdır.
Dəstək xidmətləri
Tələbələrin təhsil həyatını asanlaşdırmaq və inkişafına dəstək olmaq üçün UCD-də müxtəlif dəstək xidmətləri mövcuddur. Tələbə Məşvərət Xidməti tələbələrə psixoloji dəstək göstərir və onların şəxsi inkişafını dəstəkləyir. Akademik Dəstək Xidmətləri isə tələbələrin tədris məsələlərində onlara kömək edir və uğurlu bir təhsil həyatı üçün vacib mənbələrə çıxış imkanı təmin edir. Bundan əlavə, beynəlxalq tələbələr üçün miqrasiya, viza və yerləşmə məsələlərində də köməklik göstərilir.
Beynəlxalq tələbə həyatı
UCD, dünyanın 130-dan çox ölkəsindən gələn 8,500 beynəlxalq tələbəyə ev sahibliyi edir. Bu beynəlxalq mühit, tələbələrin müxtəlif mədəniyyətlərdən insanlarla tanış olmalarına və qlobal təcrübə qazanmalarına imkan verir. UCD Global Lounge, beynəlxalq tələbələrin bir araya gəlməsi və mədəni tədbirlərdə iştirak etməsi üçün nəzərdə tutulmuşdur. Tələbələr burada dərs xaricində də öz bilik və bacarıqlarını inkişaf etdirə bilirlər.
University College Dublin haqqında ətraflı məlumat və təhsil almaq üçün bizimlə əlaqə saxlayın!
