Yüklənir...
Ümumi məlumat
Ətraflı məlumat
1993-cü ildə qurulan Wollongong Universiteti (UOWD) Dubayın ən nüfuzlu təhsil müəssisələrindən biridir.
BƏƏ-də keyfiyyətli təhsili və beynəlxalq səviyyədə tanınmış akademik proqramları ilə tanınan universitetə hər il yüzlərlə tələbə təhsil üçün yollanır.
Universitet də mühəndislik, biznes, informasiya texnologiyaları və media daxil olmaqla müxtəlif sahələrdə güclü akademik proqramlar mövcuddur. Təhsilin keyfiyyəti, innovativ tədris metodları və sənaye ilə güclü əlaqələr sayəsində UOWD-ni bitirən tələbələr iş dünyasında böyük üstünlüyə malikdirlər.
Universitetdə mövcud olan bakalavr, magistratura və doktorantura proqramlarının hər birində müxtəlif sahələrə aid ixtisaslar tədris olunur.
Bakalavr tədris pilləsi üçün:
Magistratura tədris pilləsi üçün:
Doktorantura tədris pilləsi üçün:
Bu proqramlar universitetdə olan ən məşhur proqramlardan bəziləridir. Wollongong Universitetində olan bütün proqram və ixtisasla bağlı məlumatı universitetin rəsmi veb-saytından ala bilərsiniz.
Wollongong Universitetində beynəlxalq tələbələr üçün illik təhsil haqqı bakalavr tələbələrinə 60.429 AED-dən, magistratura tələbələrinə 106.680-dən başlayır və proqramla ixtisasdan asılı olaraq artır.
İngilis dili biliyi tələbləri:
Bu tələblər ümumidir və proqramdan asılı olaraq əlavə sənədlər də tələb oluna bilər.
Wollongong univeristetində, tələbələrin təhsil həyatını dəstəkləmək məqsədilə çox sayda təqaüd imkanları var. UOWD-də təklif olunan təqaüdlər arasında universitetdən əlavə dövlət və beynəlxalq proqramların da təmin etdiyi təqaüdlər də mövcuddur.
Tələbələrin təhsil xərclərini azaltmaq üçün nəzərdə tutulan təqaüdlərdən bəziləri bunlardır:
Academic Merit Scholarship: Yüksək akademik göstəriciləri olan tələbələrə verilən təqaüd təhsil haqqına 15%-dən 50%-ə qədər güzəşti əhatə edir.
Sports Scholarship: İdman sahəsində üstün bacarıqları olan və akademik göstəriciləri yaxşı tələbələrin təhsil haqqında güzəşti əhatə edir.
Community Engagement Scholarship: Cəmiyyətə töhfə verən və sosial məsuliyyət layihələrində aktiv iştirak edən tələbələrə verilən bu təqaüd, təhsil haqqında müəyyən faiz endirim verir.
Postgraduate Academic Excellence Scholarship: Bakalavr təhsilində yüksək nəticələr göstərən tələbələrə təqdim edilən bu təqaüd, təhsil haqqının 15%-dən 25%-ə qədər güzəşti əhatə edir.
Alumni Scholarship: UOWD məzunlarına və ya University of Wollongong-un digər kampuslarından məzun olub, sonrakı təhsili yenidən bu universitetdə almaq istəyən tələbələrin təhsil haqlarına güzəşt təmin edir.
Research Scholarships: Tədqiqat layihələrində yüksək uğur göstərən doktorantura tələbələrinə təqdim edilən bu təqaüdlər, təhsil haqqı üzrə əhəmiyyətli güzəştlər təmin edir və bəzi hallarda yaşayış xərcləri üçün əlavə maliyyə dəstəyi də verilir.
Univeristetdə olan təqaüdlərin hər biri haqqında ətraflı məlumat almaq üçün rəsmi veb-saytdakı “Scholarships and Tuition Grants” səhifəsini ziyarət edə bilərsiniz.
University of Wollongong (UOWD) təhsil qədər tələbə həyatı da zəngindir. Universitet, tələbələrə yalnız akademik təhsil verməklə kifayətlənmir, eyni zamanda onların şəxsi və sosial inkişafını dəstəkləyən geniş imkanlara malikdir.
UOWD-də tələbə həyatı təhsil prosesinin bir hissəsi olaraq faydalı və maraqlıdır.
Kampus
UOWD kampusu, tələbələrin ehtiyaclarını qarşılamaq üçün müasir imkanlarla təchiz olunmuşdur. Kampusda müasir tədris laboratoriyaları, kitabxanalar, texnologiya ilə təchiz olunmuş sinif otaqları, tələbə istirahət zonaları və idman obyektləri mövcuddur.
Bu məkanlar tələbələrin həm akademik, həm də şəxsi fəaliyyətləri üçün ideal mühit yaradır.
Tələbə birlikləri və təşkilatları
Universitetdə müxtəlif tələbə birlikləri və təşkilatları fəaliyyət göstərir. Tələbələr öz maraq və hobbilərinə uyğun olaraq bu birliklərə qoşula və müxtəlif sosial, mədəni və idman tədbirlərində iştirak edə bilərlər.
Burada akademik birliklərdən tutmuş, mədəniyyət və dil birliklərinə, idman və könüllülük fəaliyyətlərinə qədər geniş seçim mövcuddur.
Sosial və mədəni fəaliyyətlər
Wollongong Universitetində müxtəlif sosial və mədəni fəaliyyətlər mütəmadi olaraq təşkil olunur. Universitet beynəlxalq tələbə əhalisinə malik olduğu üçün bu tədbirlər fərqli mədəniyyətlərin təmsil olunduğu bayramlar, festivallar və sərgiləri əhatə edir.
Bu cür tədbirlər tələbələrin bir-birindən öyrənmələrinə, mədəniyyətlərarası dialoqa qatılmalarına və öz mədəniyyətlərini nümayiş etdirmələrinə imkan yaradır.
İdman
Burada tələbələr üçün idman və fitness əhəmiyyətli yer tutur. Universitetin idman kompleksləri və idman klublarında tələbələrin sağlam həyat tərzini qorumaq üçün müxtəlif imkanlar mövcuddur.
Tələbələr öz aralarında komandalar qurub futbol, basketbol, voleybol və digər idman növlərində olan yarışlara qatılıb nəaliyyətlər əldə edirlər. Bundan əlavə, universitetin fitnes mərkəzləri tələbələrə sağlamlıqlarını qorumaq üçün geniş imkanlara malikdir.
Karyera və inkişaf mərkəzi
Tələbələrin gələcək karyeralarını qurmaq üçün Wollongong Universiteti, karyera və inkişaf mərkəzi vasitəsilə onlara geniş dəstək göstərir. Bu mərkəz tələbələrə karyera planlaması, təcrübə proqramları, iş imkanları və peşəkar inkişaf üçün təlimlər verir, onları iş həyatına hazırlayır.
Dubayın ən yaxşı universitetlərindən olan Wollongong Universiteti haqqında ətraflı məlumat və təhsil almaq üçün bizimlə əlaqə saxlayın!
