Yüklənir...
1965-ci ildə təsis edilən Warwick Universiteti İngiltərənin ən nüfuzlu və tanınmış universitetlərindən biridir. İngiltərənin mərkəzində, Koventri şəhərinin yaxınlığında yerləşən universitet keyfiyyətli təhsil sistemilə həm yerli, həm də beynəlxalq tələbələr üçün cəlbedici təhsil məkanlarından biridir.
QS reytinqində ilk 100-lükdə yer alan Warwick Universiteti yarandığı gündəndir dünyanın ən yaxşı universitetləri sırasındadır. Universitetdə tədris prosesi innovativ tədqiqat layihələri üzərindən aparılır və dünya şöhrətli professor-müəllimlər tərəfindən dərslər keçirilir.
Xüsusilə Warwick Business School sosial elmlər, mühəndislik və tibb kimi bir çox sahədə təqdim etdiyi üstün təhsil proqramları ilə nüfuza malikdir.
Gəlin Warwick Universitetinin tədris proqramları, təhsil haqları və qəbul şərtlərilə ətraflı tanış olaq.
Warwick Universiteti müxtəlif akademik proqramları və fakültələri ilə tələbələrə yüksək keyfiyyətli təhsil təklif edir. Universitet müxtəlif fənlər üzrə bakalavr və magistr proqramları təklif etməklə, tələbələrin maraqlarına və karyera məqsədlərinə uyğun seçimlər təklif edir.
Warwick Universitetinin ən məşhur fakültələri və proqramları bunlardır:
“Faculty of Arts”
Humanitar Elmlər Fakültəsi ədəbiyyat, tarix, fəlsəfə, teatr və kinoşünaslıq kimi sahələrdə proqramlar təklif edir. Fakültədə keçirilən dərslər tələbələrə tənqidi təfəkkür, yaradıcı yazı və bədii ifadə bacarıqlarını inkişaf etdirməyə imkan verir.
Bundan əlavə, qeyd edək ki, Warwick Arts Centre İngiltərənin ən böyük incəsənət mərkəzlərindən biridir və tələbələr tədris aldıqları müddətdə bu mərkəzin bütün tədbirlərində iştirak edə bilərlər.
“Faculty of Medicine”
Warwick Tibb Fakültəsi tibb və sağlamlıq elmləri üzrə aparıcı proqramları ilə məşhurdur.
Fakültədə tələbələrə müasir klinik və tədqiqat bacarıqları öyrədilir. Eyni zamanda səhiyyə sektorunda olan nüfuzu sayəsində universitetin tələbələri müxtəlif tibbi layihələrdə təcrübə keçmək imkanlarına da sahibdirlər.
“Faculty of Science”
Elmlər Fakültəsi biologiya, kimya, fizika, riyaziyyat və kompüter elmləri kimi əsas elmlər üzrə innovative proqramlarda tədris verir. Müasir laboratoriya və tədqiqat mərkəzləri ilə təchiz olunmuş fakültə tələbələrin elmi tədqiqat bacarıqlarının inkişafına yönəlmiş tədris proqramına sahibdir.
“Faculty of Social Sciences”
Sosial Elmlər Fakültəsi iqtisadiyyat, politologiya, sosiologiya, hüquq və beynəlxalq münasibətlər kimi sahələrdə proqramlar təklif edir.
Fənlərarası yanaşmanı ilə dərslərin keçirildiyi fakültədə tələbələr məzun olduqdan sonra işləməyə tam hazır olurlar.
Warwick Universitetinin təklif etdiyi bu müxtəlif proqram və fakültələr tələbələrə akademik və peşəkar məqsədlərinə nail olmaq üçün geniş imkanlar təqdim edir. Hər bir fakültə ekspert professor-müəllim heyəti və müasir təhsil imkanları tərəfindən dəstəklənir.
Warwick Universitetinin illik təhsil haqqı proqram və tələbənin təhsil aldığı tədris pilləsindən asılı olaraq dəyişir. 2024-cü il üçün beynəlxalq tələbələr üçün illik ödənişlər təxminən £24,800-dən başlayır.
Bakalavr proqramları üçün tədris haqqı ortalama 28,800 sterlinq civari olsa da, magistratura və doktorantura üçün ödənişlər yüksək ola bilər.
Ətraflı məlumat və proqram əsasında ödənişlər üçün universitetin rəsmi saytına keçid edərək daha dəqiq məlumat ala bilərsiniz.
Warwick Universitetinə qəbul prosesində ümumi tələblər belədir:
Bakalavr proqramları üçün:
Magistratura proqramları üçün:
Universitetə qəbul zamanı tələb olunan sənədlər:
Doktorantura proqramları üçün:
Qeyd edək ki, bu tələblər ümumidir və proqramdan aslı olaraq əlavə tələblər də ola bilər. Eyni zamanda bəzi proqramlar əlavə imtahanlar və ya müsahibələr tələb edir ki, bunlarla bağlı qəbul zamanı universitetin rəsmi saytında məlumat yerləşdirilir.
Warwick Universiteti tələbələrə maliyyə dəstəyi göstərmək üçün müxtəlif təqaüd və dəstək proqramları təklif edir. Bu təqaüdlər həm bakalavr, həm də magistr səviyyələrində tələbələr üçün mövcuddur və tələbənin akademik nailiyyətlər, maliyyə ehtiyacları və xüsusi sahələrdə istedadı əsasında verilir.
Universitetdə olan təqaüd və dəstək proqramlarından bəziləri bunlardır:
Chancellor’s International Scholarships. Bu təqaüdlər beynəlxalq tələbələr üçündür və akademik nailiyyətlərə əsasən verilir.
Xüsusilə doktorantlar üçün nəzərdə tutulmuş proqramdır.
Warwick Undergraduate Global Excellence Scholarships. Qlobal Mükəmməllik Təqaüd proqramı akademik nəaliyyətləri çox yaxşı olan bakalavr tələbələrinə verilir.
Warwick Taught Masters Scholarships. Magistratura proqramlarına müraciət edən tələbələr üçün də müxtəlif təqaüd variantları mövcuddur. Bu təqaüdlər akademik nailiyyətlərə və tələbənin postensialına əsasən verilir. Təqaüd məbləği 10.000 £-a qədər ola bilər.
Fakültərə aid təqaüdlər. Bəzi fakültə tələbələri üçün xüsusi təqaüd proqramları təklif edirlər. Bu təqaüdlər konkret sahələrdə təhsil alan tələbələrə yönəlir və tələbənin həmin fakültədəki bacarıqlarına əsasən təyin olunur.
Əlavə dəstək proqramları. Universitet həmçinin aztəminatlı ailələrdən olan tələbələr üçün maddi yardım və müxtəlif ödənişlər verir ki, bu dəstəklə aztəminatlı tələbələr maddi çətinlik çəkmədən təhsil ala bilərlər.
Dəstək proqramlarından bəziləri bunlardır:
Bu təqaüdlər universitetin təklif etdiyi təqaüdlərin bir hissəsidir. Bütün təqaüd proqramları və məbləqlə bağlı məlumat üçün Warwick Universitetinin Təqaüdləri və Maliyyə Dəstəyi səhifəsinə daxil ola bilərsiniz.
Warwick universiteti tələbələrinə zəngin və rəngarəng tələbə həyatı təklif edir.
Universitetin yerləşdiyi Coventry şəhəri və geniş kampus imkanları ilə tələbələr həm akademik, həm də sosial baxımdan dolğun və yadda qalan tələbəlik həyatı yaşayırlar.
Gəlin tələbə həyatının qısa hissəsilə tanış olaq.
Kampus həyatı
Warwick kampusu, tələbələrin ehtiyaclarını qarşılayacaq hər cür imkana malikdir. Kampus daxilində tələbə yataqxanaları, kitabxanalar, laboratoriyalar, idman mərkəzləri, yeməkxanalar və müxtəlif sosial məkanlar mövcuddur.
Eyni zamanda, kampusda yerləşən Warwick Arts Centre, teatr, konsert salonu və kino zallarında tələbələr boş vaxtlarını maraqlı keçirə bilərlər.
Tələbə Birlikləri və klubları
Universitetdə tələbələrin maraq sahələrinə uyğun olaraq çoxsaylı tələbə birlikləri və klublar var. Bu birliklər və klublar tələbələrin yeni dostlar tapmasına, maraqlarını inkişaf etdirməsinə və sosial fəaliyyətlərdə iştirak etməsinə imkan yaradır.
Məsələn, idman klubları, debat klubları, musiqi və incəsənət klubları tələbələr arasında ən papulyar olan klublardır.
Sosial fəaliyyətlər və tədbirlər
Warwick Universiteti, il ərzində müxtəlif sosial fəaliyyətlər və tədbirlər təşkil edir. Kampusda keçirilən musiqi festivalları, teatr tamaşaları, film nümayişləri və digər mədəni tədbirlər tələbələrin aktiv sosial həyat yaşamasına şərait yaradır.
Qeyd edək ki, universitetdən əlavə olaraq, tələbə birlikləri də hər həftə müxtəlif tədbirlər və fəaliyyətlər təşkil edirlər.
İdman və sağlamlıq
Warwick-də idman və sağlamlıq, tələbə həyatının mühüm hissəsini təşkil edir.
Universitetin idman mərkəzi, tələbələrə müxtəlif idman növləri ilə məşğul olmaq imkanı verir. Tələbələr, futbol, basketbol, üzgüçülük və daha çox idman növü üzrə fəaliyyət göstərən klublara qoşula və yarışlarda iştirak edə bilərlər.
Tələbə dəstəyi
Warwick Universitetində tələbələrə akademik və şəxsi məsələlərdə dəstək olmaq üçün müxtəlif xidmətlər mövcuddur. Akademik məsləhətçilər, karyera xidmətləri, məsləhət və psixoloji dəstək xidmətləri tələbələrin təhsil müddətlərində qarşılaşdıqları problemlərə dəstək olub, həll edirlər.
Dünyanın ən yaxşı universitetlərindən olan Warwick-də təhsil almaq istəyirsinizsə, bizə müraciət edin. Xaricdə təhsil mütəxəssislərimiz istədiyiniz proqram üzrə, təqaüdlə təhsil almağınız üçün sizə kömək edəcək!
