Çoxlarının Marağında olan SAT, IELTS, TOEFL – Hansı Sertifikat Hansı Ölkə üçün Uyğundur?

Xaricdə təhsil planı olanların qarşısına çıxan ilk sual: Hansı imtahanı verməliyəm?

Xaricdə təhsil almaq istəyən minlərlə tələbələrə SAT, IELTS və TOEFL imtahanları həm qarışıq, həm də çox çətin gəlir. Sizə hər bir sertifikatın kimlər üçün nəzərdə tutulduğunu, hansı ölkələrdə keçərli olduğunu və imtahan tələblərinin necə dəyişdiyindən danışacıyıq.

SAT nədir və kimlər üçün nəzərdə tutulub?

SAT nə üçün lazımdır?

SAT (Scholastic Assessment Test), əsasən, ABŞ universitetlərinə bakalavr pilləsi üzrə müraciət edən tələbələr üçün nəzərdə tutulan imtahandır. Bu test tələbələrin məntiq, riyaziyyat və analiz bacarıqlarını ölçür.

SAT imtahanının strukturu:

• Reading – mətnləri başa düşmək və təhlil etmək
• Writing & Language – qrammatika, dil istifadəsi
• Math (Calculator və No Calculator bölmələri) – əsas riyaziyyat bilikləri
• Opsional Essay – artıq əksər universitetlər bu bölməni tələb etmir

SAT hansı ölkələrdə keçərlidir?

• ABŞ – Demək olar ki, bütün universitetlərdə tələb olunur
• Kanada – Bəzi universitetlərdə əlavə sənəd kimi qəbul olunur
• BB və Avstraliya – Çox vaxt tələb olunmur, amma nadir hallarda qəbul edilə bilər

IELTS – İngilis dili səviyyəsinin qlobal sübutu

IELTS imtahanı nədir?

IELTS (International English Language Testing System) ana dili ingilis olmayan tələbələrin dil səviyyəsini yoxlamaq üçün istifadə olunur. İki növü var:

• Academic IELTS – təhsil üçün
• General IELTS – iş və miqrasiya üçün

IELTS tələbləri və ballar:

• Listening, Reading, Writing, Speaking bölmələrindən ibarətdir
• Hər bölmə üzrə 0-9 arası bal, ortalama 6.5-7.5 arası nəticə tələb olunur

IELTS hansı ölkələrdə tələb olunur?

• Böyük Britaniya – Demək olar ki, bütün universitetlərdə şərtdir
• Kanada – Əksər universitetlər və kolleclərdə
• Avstraliya – Bütün ali təhsil müəssisələrində
• Avropa ölkələri – Proqramdan asılı olaraq, bir çox universitetdə vacibdir
• ABŞ – TOEFL qədər geniş yayılmasa da, bəzi universitetlər qəbul edir

TOEFL – Xüsusilə, ABŞ və Texnoloji Universitetlər üçün önəmlidir

TOEFL nədir və hansı ölkələr üçün lazımdır?

TOEFL (Test of English as a Foreign Language), xüsusilə, ABŞ və texnologiya yönümlü proqramlar üçün hazırlanmış, ingilis dili biliyini ölçən beynəlxalq imtahandır. Adətən, onlayn formada (TOEFL iBT) keçirilir.

TOEFL imtahan strukturu:

• Reading
• Listening
• Speaking
• Writing

Hər bölmədən 30 bal, ümumi maksimum 120 bal.

Ən çox tələb olunan ballar: 80-100+

TOEFL hansı ölkələr üçün uyğundur?

• ABŞ – Əksər universitetlərdə məcburidir
• Kanada – IELTS alternativi kimi qəbul edilir
• Almaniya, Niderland və digər ölkələrdə də istifadə edilir, lakin IELTS daha çox yayılıb

Bəs hansı imtahanı vermək lazımdır?

Qərar verərkən bu 3 sualı cavablayın:

1. Hansı ölkədə oxumaq istəyirəm?

• ABŞ üçün: SAT + TOEFL
• Böyük Britaniya üçün: IELTS
• Kanada üçün: IELTS və ya TOEFL, bəzən SAT
• Avstraliya üçün: IELTS əsasdır

2. Bakalavr, yoxsa magistr oxumaq istəyirəm?

• Bakalavr üçün SAT, dil üçün IELTS/TOEFL
• Magistr üçün IELTS və ya TOEFL

3. Dil səviyyəm hansı səviyyədədir?

• Dil imtahanı seçərkən “practice test” etmək vacibdir.

Hər Sertifikatın Hansı Tələbələrə Uyğun Olduğunu Necə Müəyyən Etmək Olar?

SAT kimə uyğundur?

• ABŞ və Kanada-da bakalavr təhsili almaq istəyənlər
• Yüksək GPA və əlavə imtahanla qəbul tələbi olan universitetlər
• Akademik düşünən və məntiqi analizinə güvənən tələbələr

IELTS kimə uyğundur?

• Böyük Britaniya və Avstraliya-da təhsil almaq istəyənlər
• Vizaya müraciət zamanı dil sertifikatı tələb olunan ölkələr
• Dörd bacarıq üzrə bal tələb olunan proqramlar

TOEFL kimə uyğundur?

• ABŞ yönümlü universitetlərə müraciət edənlər
• Onlayn və akademik mühitdə ingilis dili istifadə edənlər
• “Computer-based” imtahanı rahatlıqla verə bilənlər

Tez-tez Verilən Suallar

SAT olmadan ABŞ universitetlərinə qəbul olmaq mümkündürmü?

Bəli, lakin çox sayda top universitet SAT balı tələb edir. SAT-ı təqdim etməmək üçün alternativlər (məsələn, “test-optional” proqramlar) mövcuddur.

IELTS ilə ABŞ universitetlərinə müraciət etmək mümkündürmü?

Bəzi ABŞ universitetləri IELTS qəbul etsə də, TOEFL daha geniş yayılıb.

TOEFL tələbləri 2025-də dəyişibmi?

Bəli. 2024-cü ildən başlayaraq TOEFL daha qısa versiya təklif edir və bəzi universitetlər artıq minimal tələbləri aşağı salıb (məsələn, 80 əvəzinə 75).

Xaricdə Təhsil Planınıza Dəstək Axtarırsınız?

Təhsil arzularınızı reallaşdırmaq üçün düzgün istiqamət və sertifikat seçimi vacibdir. Biz sizə:

• Hansı imtahan sizin üçün daha uyğundur – analiz edirik
• Sertifikata hazırlıqda yön verir, dərs materialları təqdim edirik
• Universitet və ölkə seçimində peşəkar məsləhət veririk

Elə indi bizimlə əlaqə saxlayın və uğura bir addım da yaxınlaşın!

Doğru sertifikatla doğru qapılar açılır

Xaricdə təhsil planlayırsınızsa, hansı imtahanın sizə uyğun olduğunu düzgün seçmək həm vaxtınıza, həm də pulunuza qənaət edəcək. SAT, əsasən, ABŞ üçün; IELTS B.Britaniya, Kanada, Avstraliya üçün; TOEFL isə ABŞ və texniki proqramlar üçün daha uyğundur.